مراحب بكل صاحب .. مراحب يالحبايب

خطر فبالي ليس إلا  اقولكم

هل في ناس حسيتوهم في حياتكم شرات العظمه فالبلعوم لا ترومون تزوعزنهم ولا تبلعونهم عسب يظهرون مع المهضومين << كلمة ذات معنيين
عنبو تغصون بهم فكل مكان وكل مناسبه حشا مب ناس هذيلا ..

جد حسيتوا اعماركم بالصدفه الشنيعه انحطيتوا مع ناس غثيثين  وخلاص لصقوا جنهم محطين سوبر غلو

ولا تعرفون ناس يستظرفون عبالهم حلويييين وهم مستخفين يتحرون انهم يضحكون .. ولا يعلقون تعليقات سخيييفه واذا حد يا راددهم سووا فيها العاقلين وقاموا يرمسون بكلام عووود
وهو إلا هو يادوبه رمسه هايته ما منها غير الفلسفه ما تطلعون منها بنتيجه .. لا ويسوون فيها سيد العريف والفاهمين ويفتون في كل صغيره وكبيره .. ليش يابوكم ؟؟ بس جيه رزة ويه
ولا يوم شي نقاش .. على طول فالويه تحصلهم بدون عزيمه حتى .. ينزلون لك انتقاد واونه ادله ماصخه مالها داعي لو يخشونها حق اعمارهم ابرك .. ورايهم هو الصح والناس كلهم ودومهم غلط

وكل ما سووا شي يتريون حد يطالعهم وياريت بس يطالعهم إلا يطيح معجب فيهم .. ودخيلكم عليهم بس يوم يتراوالهم ان اي حد يخطف عدالهم ولا يرمس جدامهم قالوا : وابوييي اسم الله علينا هذيلا معجبين فينا

خيبه على شو معجبين .. على شو ياحسرتي ؟؟ على الفلسفه وتشديق الحلج فالرمسه ولا على الخبال  عافانا الله ولا على التفالح والتذاكي ..

ما مر عليكم ناس مني مناك يقعدون يعايبون على غيرهم وطول اليوم لسانهم يقلب في عيوب الناس وعمرهم ما شافوا اعمارهم .. ويا حسرتي عليهم لو شافوا اعمارهم جان شافوا البلاوي المكشوف منها والمستخباي

يبه عداااال عدال لا يخترب البرستيج  هذا شي ثاني .. الغرورو مالهم مقطع بعضه .. في نظرهم هم الصح دووووم وعمرهم ما يغلطون ولا يعترفون بالغلط .. عفيه عليهم شطار ابد ما يغلطون
وعمرهم ما قالوا اسف ولا حتى سوري من طرف اللسان حق حد حتى لو الدنيا كلها قالت لهم تراكم غلطتوا .. لا يكبرون راسهم ولا حتى يقبلون كلام حد ولا نصيحة حد
عندهم ( الأنا ) اكبر من اي شي فهالدنيا .. عاقين كل شي وكل حد وراهم .. خفوا علينا يابوكم ترانا بشر شراتكم ..
هم مافيهم سلبيات ابد وعلى راسهم هالموجب الكبيره كبر البطيخه .. والناس كلهم سلبيات واغلاط

اقول بعد ولا اخليكم انتوا تفضفضون وتكملون الموضوع ؟؟؟؟